Jeremiah 8:11–13

11 Et sanabant contritionem filiæ populi mei ad ignominiam,

dicentes: Pax, pax!

cum non esset pax.

12 Confusi sunt, quia abominationem fecerunt:

quinimmo confusione non sunt confusi,

et erubescere nescierunt.

Idcirco cadent inter corruentes:

in tempore visitationis suæ corruent, dicit Dominus.

13 Congregans congregabo eos, ait Dominus.

Non est uva in vitibus, et non sunt ficus in ficulnea:

folium defluxit,

et dedi eis quæ prætergressa sunt.