Jeremiah 32:24–27

24 Ecce munitiones exstructæ sunt adversum civitatem ut capiatur,

et urbs data est in manus Chaldæorum

qui præliantur adversus eam,

a facie gladii, et famis, et pestilentiæ:

et quæcumque locutus es, acciderunt,

ut tu ipse cernis.

25 Et tu dicis mihi, Domine Deus:

Eme agrum argento, et adhibe testes,

cum urbs data sit in manus Chaldæorum?

26 Et factum est verbum Domini ad Jeremiam, dicens:

27 Ecce ego Dominus Deus universæ carnis:

numquid mihi difficile erit omne verbum?