Jeremiah 32:23–24

23 Et ingressi sunt, et possederunt eam,

et non obedierunt voci tuæ,

et in lege tua non ambulaverunt:

omnia quæ mandasti eis ut facerent non fecerunt,

et evenerunt eis omnia mala hæc.

24 Ecce munitiones exstructæ sunt adversum civitatem ut capiatur,

et urbs data est in manus Chaldæorum

qui præliantur adversus eam,

a facie gladii, et famis, et pestilentiæ:

et quæcumque locutus es, acciderunt,

ut tu ipse cernis.