Jeremiah 2:32–34

32 Numquid obliviscetur virgo ornamenti sui,

aut sponsa fasciæ pectoralis suæ?

populus vero meus oblitus est mei diebus innumeris.

33 Quid niteris bonam ostendere viam tuam

ad quærendam dilectionem,

quæ insuper et malitias tuas docuisti vias tuas,

34 et in alis tuis inventus est sanguis animarum pauperum et innocentum?

non in fossis inveni eos,

sed in omnibus quæ supra memoravi.