Isaiah 53:7–9

7 Oblatus est quia ipse voluit,

et non aperuit os suum;

sicut ovis ad occisionem ducetur,

et quasi agnus coram tondente se obmutescet,

et non aperiet os suum.

8 De angustia, et de judicio sublatus est.

Generationem ejus quis enarrabit?

quia abscissus est de terra viventium:

propter scelus populi mei percussi eum.

9 Et dabit impios pro sepultura,

et divitem pro morte sua,

eo quod iniquitatem non fecerit,

neque dolus fuerit in ore ejus.