Isaiah 5:2–4

2 Et sepivit eam, et lapides elegit ex illa,

et plantavit eam electam;

et ædificavit turrim in medio ejus,

et torcular exstruxit in ea;

et exspectavit ut faceret uvas,

et fecit labruscas.

3 Nunc ergo, habitatores Jerusalem

et viri Juda,

judicate inter me

et vineam meam.

4 Quid est quod debui ultra facere vineæ meæ,

et non feci ei?

an quod exspectavi ut faceret uvas,

et fecit labruscas?