Isaiah 48:8–11

8 Neque audisti, neque cognovisti,

neque ex tunc aperta est auris tua:

scio enim quia prævaricans prævaricaberis,

et transgressorem ex utero vocavi te.

9 Propter nomen meum longe faciam furorem meum,

et laude mea infrenabo te,

ne intereas.

10 Ecce excoxi te, sed non quasi argentum;

elegi te in camino paupertatis.

11 Propter me, propter me faciam,

ut non blasphemer;

et gloriam meam alteri non dabo.