Isaiah 37:21–23

21 Et misit Isaias, filius Amos, ad Ezechiam, dicens: Hæc dicit Dominus Deus Israël: Pro quibus rogasti me de Sennacherib, rege Assyriorum, 22 hoc est verbum quod locutus est Dominus super eum:

Despexit te et subsannavit te,

virgo filia Sion;

post te caput movit,

filia Jerusalem.

23 Cui exprobrasti? et quem blasphemasti?

et super quem exaltasti vocem,

et levasti altitudinem oculorum tuorum?

ad Sanctum Israël.