Isaiah 24:17–20

17 Formido, et fovea, et laqueus

super te, qui habitator es terræ.

18 Et erit: qui fugerit a voce formidinis cadet in foveam;

et qui se explicaverit de fovea tenebitur laqueo;

quia cataractæ de excelsis apertæ sunt

et concutientur fundamenta terræ.

19 Confractione confringetur terra,

contritione conteretur terra,

commotione commovebitur terra;

20 agitatione agitabitur terra sicut ebrius,

et auferetur quasi tabernaculum unius noctis;

et gravabit eam iniquitas sua,

et corruet, et non adjiciet ut resurgat.