Isaiah 13:6–9

6 Ululate, quia prope est dies Domini;

quasi vastitas a Domino veniet.

7 Propter hoc omnes manus dissolventur,

et omne cor hominis contabescet,

8 et conteretur.

Torsiones et dolores tenebunt;

quasi parturiens dolebunt:

unusquisque ad proximum suum stupebit,

facies combustæ vultus eorum.

9 Ecce dies Domini veniet,

crudelis, et indignationis plenus, et iræ, furorisque,

ad ponendam terram in solitudinem,

et peccatores ejus conterendos de ea.