Isaiah 11:2–5

2 Et requiescet super eum spiritus Domini:

spiritus sapientiæ et intellectus,

spiritus consilii et fortitudinis,

spiritus scientiæ et pietatis;

3 et replebit eum spiritus timoris Domini.

Non secundum visionem oculorum judicabit,

neque secundum auditum aurium arguet;

4 sed judicabit in justitia pauperes,

et arguet in æquitate pro mansuetis terræ;

et percutiet terram virga oris sui,

et spiritu labiorum suorum interficiet impium.

5 Et erit justitia cingulum lumborum ejus,

et fides cinctorium renum ejus.