Habakkuk 2:6–8

6 Numquid non omnes isti super eum parabolam sument,

et loquelam ænigmatum ejus, et dicetur:

Væ ei qui multiplicat non sua?

usquequo et aggravat contra se densum lutum?

7 Numquid non repente consurgent qui mordeant te,

et suscitabuntur lacerantes te,

et eris in rapinam eis?

8 Quia tu spoliasti gentes multas,

spoliabunt te omnes qui reliqui fuerint de populis,

propter sanguinem hominis,

et iniquitatem terræ, civitatis, et omnium habitantium in ea.