Ezekiel 29:6–9

6 Et scient omnes habitatores Ægypti quia ego Dominus,

pro eo quod fuisti baculus arundineus domui Israël:

7 quando apprehenderunt te manu, et confractus es,

et lacerasti omnem humerum eorum:

et innitentibus eis super te comminutus es,

et dissolvisti omnes renes eorum.

8 Propterea hæc dicit Dominus Deus:

Ecce ego adducam super te gladium,

et interficiam de te hominem et jumentum.

9 Et erit terra Ægypti in desertum et in solitudinem:

et scient quia ego Dominus,

pro eo quod dixeris: Fluvius meus est, et ego feci eum.