Exodus 15:6–10

6 Dextera tua, Domine, magnificata est in fortitudine:

dextera tua, Domine, percussit inimicum.

7 Et in multitudine gloriæ tuæ deposuisti adversarios tuos:

misisti iram tuam, quæ devoravit eos sicut stipulam.

8 Et in spiritu furoris tui congregatæ sunt aquæ:

stetit unda fluens, congregatae sunt abyssi in medio mari.

9 Dixit inimicus: Persequar et comprehendam,

dividam spolia, implebitur anima mea:

evaginabo gladium meum, interficiet eos manus mea.

10 Flavit spiritus tuus, et operuit eos mare:

submersi sunt quasi plumbum in aquis vehementibus.