Ecclesiastes 10:1–4

1 Muscæ morientes perdunt suavitatem unguenti.

Pretiosior est sapientia et gloria,

parva et ad tempus stultitia.

2 Cor sapientis in dextera ejus,

et cor stulti in sinistra illius.

3 Sed et in via stultus ambulans,

cum ipse insipiens sit,

omnes stultos æstimat.

4 Si spiritus potestatem habentis ascenderit super te,

locum tuum ne demiseris,

quia curatio faciet cessare peccata maxima.