Deuteronomy 33:13–17

13 Joseph quoque ait:

De benedictione Domini terra ejus,

de pomis cæli, et rore, atque abysso subjacente.

14 De pomis fructuum solis ac lunæ,

15 de vertice antiquorum montium,

de pomis collium æternorum:

16 et de frugibus terræ, et de plenitudine ejus.

Benedictio illius qui apparuit in rubo,

veniat super caput Joseph,

et super verticem nazaræi inter fratres suos.

17 Quasi primogeniti tauri pulchritudo ejus,

cornua rhinocerotis cornua illius:

in ipsis ventilabit gentes usque ad terminos terræ.

Hæ sunt multitudines Ephraim:

et hæc millia Manasse.