Amos 8:9–11

9 Et erit in die illa, dicit Dominus Deus:

occidet sol in meridie,

et tenebrescere faciam terram in die luminis:

10 et convertam festivitates vestras in luctum,

et omnia cantica vestra in planctum,

et inducam super omne dorsum vestrum saccum,

et super omne caput calvitium:

et ponam eam quasi luctum unigeniti,

et novissima ejus quasi diem amarum.

11 Ecce dies veniunt, dicet Dominus,

et mittam famem in terram:

non famem panis, neque sitim aquæ,

sed audiendi verbum Domini.