4 Esdras 3:31–36

³¹Nihil memini quomodo debeat derelinqui via hæc. Numquid meliora facit Babylon quam Sion? ³²aut alia gens cognovit te preeter Israel? aut quæ tribus crediderunt testamentis tuis, sicut Iacob? ³³Quarum merces non comparuit, neque labor fructificavit. Pertransiens enim pertransivi in gentibus, et vidi abundantes eas, et non memorantes mandatorum tuorum. ³⁴Nunc ergo pondera in statera nostras iniquitates, et eorum qui habitant in sæculo: et non invenietur nomen tuum, nisi in Israel. ³⁵Aut quando non peccaverunt in conspectu tuo, qui habitant terram? aut quæ gens sic observavit mandata tua? ³⁶Hos quidem per nomina invenies servasse mandata tua, gentes autem non invenies.