⁶Et ait adolescens qui nuntiabat ei: Casu veni in montem Gelboë, et Saul incumbebat super hastam suam: porro currus et equites appropinquabant ei, ⁷et conversus post tergum suum, vidensque me, vocavit. Cui cum respondissem: Adsum: ⁸dixit mihi: Quisnam es tu? Et aio ad eum: Amalecites ego sum. ⁹Et locutus est mihi: Sta super me, et interfice me: quoniam tenent me angustiæ, et adhuc tota anima mea in me est. ¹⁰Stansque super eum, occidi illum: sciebam enim quod vivere non poterat post ruinam: et tuli diadema quod erat in capite ejus, et armillam de brachio illius, et attuli ad te dominum meum huc.

Read in Logos

Public Domain