¹⁹Dixerunt quoque viri civitatis ad Eliseum: Ecce habitatio civitatis hujus optima est, sicut tu ipse, domine, perspicis: sed aquæ pessimæ sunt, et terra sterilis. ²⁰At ille ait: Afferte mihi vas novum, et mittite in illud sal. Quod cum attulissent, ²¹egressus ad fontem aquarum misit in illum sal, et ait: Hæc dicit Dominus: Sanavi aquas has, et non erit ultra in eis mors, neque sterilitas. ²²Sanatæ sunt ergo aquæ usque in diem hanc, juxta verbum Elisei quod locutus est. ²³Ascendit autem inde in Bethel: cumque ascenderet per viam, pueri parvi egressi sunt de civitate, et illudebant ei, dicentes: Ascende calve, ascende calve.

Read in Logos

Public Domain