1 Corinthians 3:1–9

¹Et ego, fratres, non potui vobis loqui quasi spiritualibus, sed quasi carnalibus. Tamquam parvulis in Christo, ²lac vobis potum dedi, non escam: nondum enim poteratis: sed nec nunc quidem potestis: adhuc enim carnales estis. ³Cum enim sit inter vos zelus, et contentio: nonne carnales estis, et secundum hominem ambulatis? ⁴Cum enim quis dicat: Ego quidem sum Pauli; alius autem: Ego Apollo: nonne homines estis?

Quid igitur est Apollo? quid vero Paulus? ⁵ministri ejus, cui credidistis, et unicuique sicut Dominus dedit. ⁶Ego plantavi, Apollo rigavit: sed Deus incrementum dedit. ⁷Itaque neque qui plantat est aliquid, neque qui rigat: sed qui incrementum dat, Deus. ⁸Qui autem plantat, et qui rigat, unum sunt. Unusquisque autem propriam mercedem accipiet, secundum suum laborem. ⁹Dei enim sumus adjutores: Dei agricultura estis, Dei ædificatio estis.