Loading…
The Greek New Testament: SBL Edition

Matthew 20:1–16

Embed This Verse

Add this verse to your website by copying the code below. Customize

Ὁμοία γάρ ἐστιν ἡ βασιλεία τῶν οὐρανῶν ἀνθρώπῳ οἰκοδεσπότῃ ὅστις ἐξῆλθεν ἅμα πρωῒ μισθώσασθαι ἐργάτας εἰς τὸν ἀμπελῶνα αὐτοῦ. 2 συμφωνήσας δὲ μετὰ τῶν ἐργατῶν ἐκ δηναρίου τὴν ἡμέραν ἀπέστειλεν αὐτοὺς εἰς τὸν ἀμπελῶνα αὐτοῦ. 3 καὶ ἐξελθὼν περὶ τρίτην ὥραν εἶδεν ἄλλους ἑστῶτας ἐν τῇ ἀγορᾷ ἀργούς· 4 καὶ ἐκείνοις εἶπεν· Ὑπάγετε καὶ ὑμεῖς εἰς τὸν ἀμπελῶνα, καὶ ὃ ἐὰν ᾖ δίκαιον δώσω ὑμῖν· 5 οἱ δὲ ἀπῆλθον. πάλιν ἐξελθὼν περὶ ἕκτην καὶ ἐνάτην ὥραν ἐποίησεν ὡσαύτως. 6 περὶ δὲ τὴν ἑνδεκάτην ἐξελθὼν εὗρεν ἄλλους ἑστῶτας, καὶ λέγει αὐτοῖς· Τί ὧδε ἑστήκατε ὅλην τὴν ἡμέραν ἀργοί; 7 λέγουσιν αὐτῷ· Ὅτι οὐδεὶς ἡμᾶς ἐμισθώσατο. λέγει αὐτοῖς· Ὑπάγετε καὶ ὑμεῖς εἰς τὸν ἀμπελῶνα. 8 ὀψίας δὲ γενομένης λέγει ὁ κύριος τοῦ ἀμπελῶνος τῷ ἐπιτρόπῳ αὐτοῦ· Κάλεσον τοὺς ἐργάτας καὶ ἀπόδος αὐτοῖς τὸν μισθὸν ἀρξάμενος ἀπὸ τῶν ἐσχάτων ἕως τῶν πρώτων. 9 καὶ ἐλθόντες οἱ περὶ τὴν ἑνδεκάτην ὥραν ἔλαβον ἀνὰ δηνάριον. 10 καὶ ἐλθόντες οἱ πρῶτοι ἐνόμισαν ὅτι πλεῖον λήμψονται· καὶ ἔλαβον τὸ ἀνὰ δηνάριον καὶ αὐτοί. 11 λαβόντες δὲ ἐγόγγυζον κατὰ τοῦ οἰκοδεσπότου 12 λέγοντες· Οὗτοι οἱ ἔσχατοι μίαν ὥραν ἐποίησαν, καὶ ἴσους αὐτοὺς ἡμῖν ἐποίησας τοῖς βαστάσασι τὸ βάρος τῆς ἡμέρας καὶ τὸν καύσωνα. 13 ὁ δὲ ἀποκριθεὶς ἑνὶ αὐτῶν εἶπεν· Ἑταῖρε, οὐκ ἀδικῶ σε· οὐχὶ δηναρίου συνεφώνησάς μοι; 14 ἆρον τὸ σὸν καὶ ὕπαγε· θέλω δὲ τούτῳ τῷ ἐσχάτῳ δοῦναι ὡς καὶ σοί· 15 οὐκ ἔξεστίν μοι ὃ θέλω ποιῆσαι ἐν τοῖς ἐμοῖς; ἢ ὁ ὀφθαλμός σου πονηρός ἐστιν ὅτι ἐγὼ ἀγαθός εἰμι; 16 οὕτως ἔσονται οἱ ἔσχατοι πρῶτοι καὶ οἱ πρῶτοι ἔσχατοι.

Read More


20:2 συμφωνήσας δὲ WH Treg NA28 ] Καὶ συμφωνήσας RP

5 πάλιν NIV RP ] + δὲ WH Treg NA28

6 ἑνδεκάτην WH Treg NA28 ] + ὥραν RP

ἑστῶτας WH Treg NA28 ] + ἀργούς RP

7 ἀμπελῶνα WH Treg NA28 ] + καὶ ὃ ἐὰν ᾖ δίκαιον λήψεσθε RP

8 αὐτοῖς Treg NA28 RP ] WH

9 καὶ ἐλθόντες Treg NA28 RP ] ἐλθόντες δὲ WH

10 καὶ ἐλθόντες WH Treg NA28 ] Ἐλθόντες δὲ RP

πλεῖον WH Treg NA28 ] πλεῖονα RP

τὸ ἀνὰ δηνάριον καὶ αὐτοί WH Treg NA28 ] καὶ αὐτοὶ ἀνὰ δηνάριον RP

12 λέγοντες WH Treg NA28 ] + ὅτι RP

αὐτοὺς ἡμῖν WH ] ἡμῖν αὐτοὺς Treg NA28 RP

13 ἑνὶ αὐτῶν εἶπεν WH NA28 ] εἶπεν ἑνὶ αὐτῶν Treg RP

15 οὐκ WH Treg NIV ] Ἢ οὐκ RP NA28

ὃ θέλω ποιῆσαι WH Treg NA28 ] ποιῆσαι ὃ θέλω RP

WH Treg NA28 ] Εἰ RP

16 ἔσχατοι WH NA28 ] + πολλοὶ γὰρ εἰσιν κλητοί ὀλίγοι δὲ ἐκλεκτοί Treg RP