Loading…
The Greek New Testament: SBL Edition

Luke 18:9–17

Embed This Verse

Add this verse to your website by copying the code below. Customize

9 Εἶπεν δὲ καὶ πρός τινας τοὺς πεποιθότας ἐφʼ ἑαυτοῖς ὅτι εἰσὶν δίκαιοι καὶ ἐξουθενοῦντας τοὺς λοιποὺς τὴν παραβολὴν ταύτην· 10 Ἄνθρωποι δύο ἀνέβησαν εἰς τὸ ἱερὸν προσεύξασθαι, ὁ εἷς Φαρισαῖος καὶ ὁ ἕτερος τελώνης. 11 ὁ Φαρισαῖος σταθεὶς πρὸς ἑαυτὸν ταῦτα προσηύχετο· Ὁ θεός, εὐχαριστῶ σοι ὅτι οὐκ εἰμὶ ὥσπερ οἱ λοιποὶ τῶν ἀνθρώπων, ἅρπαγες, ἄδικοι, μοιχοί, ἢ καὶ ὡς οὗτος ὁ τελώνης· 12 νηστεύω δὶς τοῦ σαββάτου, ἀποδεκατῶ πάντα ὅσα κτῶμαι. 13 ὁ δὲ τελώνης μακρόθεν ἑστὼς οὐκ ἤθελεν οὐδὲ τοὺς ὀφθαλμοὺς ἐπᾶραι εἰς τὸν οὐρανόν, ἀλλʼ ἔτυπτε τὸ στῆθος αὐτοῦ λέγων· Ὁ θεός, ἱλάσθητί μοι τῷ ἁμαρτωλῷ. 14 λέγω ὑμῖν, κατέβη οὗτος δεδικαιωμένος εἰς τὸν οἶκον αὐτοῦ παρʼ ἐκεῖνον· ὅτι πᾶς ὁ ὑψῶν ἑαυτὸν ταπεινωθήσεται, ὁ δὲ ταπεινῶν ἑαυτὸν ὑψωθήσεται.

15 Προσέφερον δὲ αὐτῷ καὶ τὰ βρέφη ἵνα αὐτῶν ἅπτηται· ἰδόντες δὲ οἱ μαθηταὶ ἐπετίμων αὐτοῖς. 16 ὁ δὲ Ἰησοῦς προσεκαλέσατο αὐτὰ λέγων· Ἄφετε τὰ παιδία ἔρχεσθαι πρός με καὶ μὴ κωλύετε αὐτά, τῶν γὰρ τοιούτων ἐστὶν ἡ βασιλεία τοῦ θεοῦ. 17 ἀμὴν λέγω ὑμῖν, ὃς ἂν μὴ δέξηται τὴν βασιλείαν τοῦ θεοῦ ὡς παιδίον, οὐ μὴ εἰσέλθῃ εἰς αὐτήν.

Read More


9 καὶ WH Treg NA28 ] RP

10 NA28 RP ] WH Treg

11 πρὸς ἑαυτὸν ταῦτα NA28 RP ] ταῦτα πρὸς ἑαυτὸν WH Treg

ὥσπερ WH NA28 RP ] ὡς Treg

12 ἀποδεκατῶ Treg NA28 RP ] ἀποδεκατεύω WH

13 ὁ δὲ WH NA28 ] καὶ ὁ Treg RP

ἐπᾶραι εἰς τὸν οὐρανόν WH Treg NA28 ] εἰς τὸν οὐρανόν ἐπᾶραι RP

ἔτυπτε WH Treg NA28 ] + εἰς RP

αὐτοῦ NA28 RP ] ἑαυτοῦ WH Treg

14 παρʼ ἐκεῖνον WH Treg NA28 ] ἢ γὰρ ἐκεῖνος RP

15 ἐπετίμων WH Treg NA28 ] ἐπετίμησαν RP

16 προσεκαλέσατο αὐτὰ λέγων WH Treg NA28 ] προσκαλεσάμενος αὐτὰ εἶπεν RP

17 ἂν WH Treg NA28 ] ἐὰν RP