Hulle het toe haastig van die graf af weggegaan. Oorstelp van skok, maar nog meer van ’n ontsaglike blydskap, het hulle gehardloop om die boodskap aan sy dissipels te gaan gee. En toe, meteens, daar staan Jesus voor die vroue, en Hy sê: “Goeiedag, mense!” Hulle hardloop na Hom toe, gryp sy voete vas en aanbid Hom. Daarop sê Jesus vir hulle: “Julle hoef nie bang te wees nie. Gaan sê vir my broers hulle moet Galilea toe gaan en hulle sal My daar sien.” Terwyl die vroue op pad was, het...